Gasar Olympics: Mikel Obi ne kyaftin din Najeriya

 

– John Mikel Obi ne Kyaftin din Kungiyar U-23 ta Najeriya a gasar Olympics da za a buga a Rio na Brazil.

– Kocin Kasar, Siasia yace abin ya zo da sauki, domin Mikel ne kyaftin din Kungiyar Super Eagles., saboda haka aka zabe sa ma a nan.

– Mikel yace ko dan wannan karamci da aka yi masa, dole Najeriya ta yi nasara a Kasar Brazil.

 

 

 

 

 

Ko da dai abin ba zai yi ma wasu dadi ba, an nada dan wasan tsakiyar Chelsea John Mikel Obi a matsayin kyaftin din Kungiyar U-23 na Najeriya da za su wakilci Kasar a Gasar Olympics da za a gudanar a Birnin Rio da ke Brazil. Kocin Kungiyar, Samson Siasia mai shekaru 48 ya bayyana hakan a ranar Asabar 30 ga watan Jiya, Yuni a wani taro da manema labarai. Kocin ya bayyana cewa dan wasan ne kyaftin din Super Eagles na Kasar, saboda haka ba abin da ya dace sai a nada sa kyaftin din wannan kungiyar ta U-23.

KU KARANTA: KARANTA ABIN DA EGUOVEN YAKE CEWA

Siasia yace ai ba wani wata-wata, dole ne Mikel kawai zai zama kyaftin din sa. “Bayan na tattauna da dukkanin su biyu (Mikel da tsohon kyaftin din U-23 din) nayi masu bayani, kuma duk sun fahimta. Nayi murna da na ga cewa Azubuike (wanda shine kyaftin din mu a baya) ya gamsu da bayanan, ya kuma amince ya mikan kambun ga Mikel Obi.” Inji Kocin Kasar Siasia. Ya kara da cewa: “Ni ba karamin abin farin cika na bane ace na nada kyaftin da yake shine kyaftin a Kungiyar Super Eagles ta Kasa… Yan wasan kaf, sun yi mubaya’a ga Mikel Obi a matsayin sabon kyaftin din su”

Dan wasa Mikel ya nuna farin cikin sa da wannan abu, a baya dai dan wasa Okechukwu Azubuike ya rike ma Najeriyar kambu a duk wasannin da ta buga na zuwa Gasar ta Olympics. Mikel Obi yace dole fa Kasar ta samu yin nasara a wannan Gasa da za a buga a Garin Rio.

The post Gasar Olympics: Mikel Obi ne kyaftin din Najeriya appeared first on Nigeria News today & Breaking news | Nigerian newspapers 24/7.

loading...